Mediat greke kanë zbardhur detaje të reja nga masakrimi i shqiptarit Arbër Bako në burgun e Koridhalos pak ditë më parë.
Dyshimet e autoriteteve greke bien mbi po një tjerër shqiptar i cili ka qenë së bashku me Bakon autor i disa vjedhjeve dhe vrasjeve me pagesë, por që viktima ka dëshuar kundër tij në vitin 2014.
Policia greke dyshon se shqiptari tjetër që ka porositur vrasjen e Arbër Bakos është Klodian Lekocaj, i cili për shkak të dëshmisë së 36 vjeçarit përfundoi në burg me akuzën e vrasjeve me pagesë.
Emri i Lekocajt dhe 5 personave të tjerë u nxor nga Bako, i cili kur u arrestua ka treguar po ashtu krimet që kishin kryer së bashku.
Gjithashtu autoritetet e vendit fqinj kanë zbuluar një tjerët provë që implikon Klodian Lekocajn në vrasjen e 36 vjeçarit nga Kuçova pasi të dy, si Bako dhe Lekocaj, kishin përfunduar në të njëjtin burg.
Sipas mediave greke, Lekocaj është rregjistruar në një bisedë me Ibrahim Brahimllarin, personi që theri me thikë brutalisht Arbër Bakon, ndërsa e qorton pse e ka vrarë atë jashtë qelisë së burgut, ndryshe nga çfarë ishte planifikuar.
‘Të thashë 100 herë që ta bësh brenda dhomës tënde’, i tha Lekocaj për të marrë si përgjigje justifikimin: ‘Nuk bëhej. Si mund ta bëja Brenda dhomës kur ai po më shikonte? Prisja të kthehej pak që të mund të nxirrja thikën. E gjeta rastin vetëm aty tek dera, sapo u kthye ia futa një në zverk.’
Grupi i Klodian Lekocajt në të cilin bënte pjesë dhe Arbër Bako dyshohet se ka ekzekutuar avokatin e njohur grek Mixalis Zafiropoulos.
