Gjatë një operacioni të Policisë së Shtetit ku u sekuestruan 50 kg drogë, është vënë në pranga një person dhe është shpallur në kërkim bashkëpunëtori i tij.
Policia e shtetit ka vënë në pranga një person dhe ka shpallur në kërkim një tjetër gjatë një operacioni të koduar “Amanikaj”, ku u sekuestrua 50 kg lëndë narkotike e dyshuar Cannabis Sattiva.
Mësohet se është vënë në pranga 29-vjeçari me iniciale B.K. Dyshohet se ai dhe bashkëpunëtori i tij kishin për qëllim mbjelljen dhe kultivimin e lëndës narkotike në vendin e quajtur “Përroi i Madh”, në afërsi të fshatit Amanikaj, Memaliaj.
Policia njofton se materialet në ngarkim të këtyre shtetasve i kaluan Prokurorisë së Rrethit Gjyqësor Gjirokastër për veprime të mëtejshme.
