Një ngjarje e rëndë ka ndodhur në Spanjë teksa një shqiptar është gjendur I vrarë më plumb në kokë dy ditë më parë.
Sipas mediave spanjolle trupi i shqiptarit kishte shenja të shumta dhune ndërsa ishte shpallur i zhdukur të hënën që lamë pas në Mazarron, ku prej vitesh punonte në lokalet e natës në këtë zone si truprojë.
Çfarë ndodhi:
Viktima është identifikuar si Deda, 46 vjeç, ndërsa mediat spanjolle kanë publikuar edhe një foto të tij.
Sipas mediave spanjolle, pas përfundimit të autopsisë në trupin e të ndjerit, është zbuluar se ndaj 46 vjeçarit është ushtruar torturë brutale nga disa burra.
Ata i kanë prerë gishtin e njërës dorë, i kanë shkulur thonjtë e këmbëve, si dhe i kanë prerë një pjesë të veshit.
Të dhënat e para të Gardës Civile thonë se vrasja e ndodhur në shtratin e lumit Guadalentín, në Totana, është e tipit mafioz dhe mbase ka ndodhur për larje hesapesh.
Nga ana tjetër ky nuk është I vetmi rast ku shqiptarët janë ekzekutuar në Spanjë. Kjo e fundit e konsideruar shpeshherë si një prej qendrave të trafikut të drogës nga ku edhe motivi qendron për prishje të pazareve.
Njeri prej rasteve:
Në shtator të 2018/ Një emigrant shqiptar në Spanjë është ekzekutuar me armë zjarri.
Viktima është është identifikuar si shtetasi Fatmir. A, i dënuar me 6 vjet burg si autor i vrasjes se nje bashkombasi shqiptar. Shkak i vrasjes ishte prishja për pazaret e drogës dhe prostitucionit.
Kjo dyshohet të ketë qene edhe motivi, për hakmarrje. Fatmiri hyri në burg dhe me sa duket kishte dalë kohët e fundit. Me sa duket, ai jetonte në Reus.
Hakmarrja mendohet se ishte rezultati fatal i vrasjes së 43-vjeçari në lagjen La Pastoreta.
/AlpeNews.al
