I ftuar në “Open”, sekretari i marredhenieve me mediannë PS, Alfred Peza përforcoi idenë e përçarjes mes opozitës.
Sipas ish-deputetit socialist, “opozita po e tregon gjithnjë e më shumë përçarjen mes radhëve të saj”, pasi ndonëse në fillim protesta nisi me kërkesën për të rrëzuar Ramën nga pushteti, me nxjerrjen e tij nga Kryeministria në rrugë, për ta detyruar të përballet me drejtësinë apo të kërkojë azil politik jashtë vendit, siç u shpreh edhe sot gjatë protestës kryetari i PD-së Basha, “numri gjithnjë e më i paktë i pjesëmarrësve në protestë tregon edhe pakënaqësinë apo mungesën e shpresës mes vet popullit opozitar nga përfaqësuesit e tyre”.
Përfaqësues, që nuk mund të quhen më të tillë, sipas Pezës, që kur deputetët e opozitës vendosën të djegin mandatet e përfaqësimit në Kuvend.
Pjesë nga debati:
“E para, është e vërtetë që opozita ka një përçarje brenda kampit opozitar e cila ka filluar pas Kongresit të PS shoqëruar me dy udhëtime të Bashës jashtë vendit.
Nga këtu, edhe takimi I Metës dhe Bashës është për këtë çarje.
Kjo ka nisur pasi fillimisht pritshmëria ishte shumë e madhe dhe sot në protestën e shtatë ishte më e vogla si numerike ashtu edhe kohore.
Pra, kur nuk ka rezultate të menjëhershme koha punon për të kundërtën e opozitës e fillon përçarja”, u shpreh Peza.
