Opozita zhvilloi sot protestën e saj të shtatë radhazi jashtë Kuvendit të Shqipërisë ndërkohë që brenda u zhvillua normalisht seanca plenare.
U pa një rikthim i Monika Kryemadhit pas më shumë se një javë në heshtje pa asnjë reagim. Nga ana tjetër, Lulzim Basha u shfaq thuajse gjithë protestës në krah të Flamur Nokës dhe Gazmend Bardhit.
Prej ditësh flitej për një përçarje të Kryemadhit dhe Bashës dhe duket se kjo u vërtetua edhe sot. Kryetarja e LSI nuk qendroi asnjë moment në krah të kreut të opozitës.
AlpeNeës.al publikoi pamje të momentit kur Flamur Noka kapi dorën e Kryemadhit dhe e solli në rresht të parë në krah të Bashës.
Ndërkohë që ky i fundit, as nuk i foli e as nuk komunikoi. Më parë jemi mësuar ti shohim të dy teksa flasin gjatë gjithë kohës për skenarin e mëtejshëm të opozitës e madje edhe të komunikojnë me telefona.
A kemi të bëjmë vallë me një përçarja që krerët dëshirojnë ta mbajnë larg elektoratit të tyre?
Përgatiti: AlpeNews.al
