Jurgen Kurti, 26 vjeçari që punonte si menaxher vip-ash në Tiranë u ekzekutua mbremjen e së hënës më 18 mars teksa po shkonte në shtëpi.
Duke qënë se Kurti ishte emër I njohur për policinë pasi mbi të rëndonin d yakuza të rënda për vrasje ndonëse të paprovuara, dyshimet fillimisht u dukën “të lehta”.
Por nuk rezultoi kështu. Një javë më vonë, janë zbuluar edhe atentatorët e tij duke ndryshuar kështu krejtësisht rrjedhën e ngjarjes.
Ata janë katër, dhe mosha e tyre është ajo që bie më shumë në sy. Kjo pasi janë fare të rinj dhe janë vrasës me pagesë sipas policisë.
Këtë gjë duket se e kanë pranuar edhe ata vetë, ndonëse nuk kanë dhënë emrin e porositësit të tyre. Dyshohet se kanë marrë 30 mijë euro.
Njëri prej tyre është 22 vjeçari Olsi Qalliaj, lindur në Fier dhe banues në Patos.
Megjithatë, kjo nuk duket të jetë hera e parë që një I ri në moshë mban titullin e “vrasësit me pagesë”.
Kujtojmë këtu vrasjen e Emiljano Boçit në 2018, dhe vrasësin me pagesë Hektor Xheçuka.
Julian Sinanaj, i konsideruar si “killeri” i grupit kriminal që ka vepruar në Vlorë dhe Tiranë gjatë viteve 2012-2014. I akuzuari kryesor për dy vrasje dhe katër tentativa vrasjesh me armë dhe eksploziv ka dëshmuar me detaje në datën 25 tetor 2014 për mënyrën si i ka kryer atentatet, planifikimin e tyre dhe kush kanë qenë porositësit e krimeve.
Në rrëfimin e tij me detaje, i dyshuari si vrasës me pagesë shpjegon se gjatë gjithë kohës ka pasur dyshime se porositësit e atentateve mund ta vrisnin pasi nuk kishte besim tek ata, ndërsa shton se e ka nisur aktivitetin kriminal i shtyrë nga gjendja e keqe ekonomike pas kthimit nga Greqia.
Edhe në rastet ku nuk paguhen realisht nga porositësi ndonëse kryejnë vrasje, të rinjtë shqiptar duket se kanë tendencën ta paraqesin veten si të tillë duke krijuar kështu “profesionin” e ri në Shqipëri.
I tillë ishte rasti i Qemal Selës nga Peshkopia që vrau prindërit e tij dhe në rrjete sociale shkruante se ishte vrasës me pagesë.
Përgatiti: AlpeNews.al
