The Weeknd nuk është budalla që i zhduku të gjitha fotot me Selena Gomez pasi u ndanë. Ajo mund të thotë se të dy janë shokë shumë të mirë, por këtu s’ka miq!
Po, kaluam bukur, më deshe, të desha, por në momentin që gjithçka përfundon njeriu duhet të ecë përpara dhe s’mund të ecësh përpara duke parë herë pas here fotot me ish-të dashurin, aq me kq, t’i mbash në Instagram dhe herë pas here të marrësh ndonjë ‘like’ edhe pse keni dy vite të ndarë dhe ka 3 të tjerë që pozojnë tek fotot e tjera. Njerëzit do flasin, sigurisht, por fshirja e fotove është mënyra më e shëndetshme dhe e shpejtë për të kaluar një zemër të thyer.
1. Duke parë fotot harroni pse u ndatë.
Do stresoheni më shumë, do keni një ngacmim në stomak, më shumë dëshira seksuale dhe më pak rritje në aspektin personal. Edhe nëse nuk i ndiqni më në Instagram, duke mbajtur fotot që keni dalë bashkë në momentet tuaja të lumtura nuk ju ndihmon aspak për ta kaluar. Keni më shumë dëshirë të jeni të lidhur, sepse ju kujton kohët e bukura dhe aq më e vështirë do të jetë të ecni përpara.
2. Do rikujtoni sa ju donin të gjithë si çift.
Duke parë komentet që miqtë apo njerëz që nuk i njihnit ju kanë lënë në fotot që keni dalë bashkë, sa ju pëlqenin si çift, nuk do t’ju ndihmojë aspak. Prandaj fshiji ato dreq fotosh dhe ec përpara.
3. Partnerët e ardhshëm do mendojnë se e ke mendjen akoma te ishi.
Pse t’ja shkatërrosh vetes mundësinë për të krijuar diçka të re? S’ke për t’u kthyer më me të, ndaje mendjen.
4. Do, s’do, do shkosh tek profili i partnerit.
Nuk i shpëton dot. Nëse i ke bërë tagg tek fotot, edhe nëse e ke hequr nga Instagrami, do detyrohesh t’i hapësh profilin, sepse ti duhet ta dish ç’po bën ai me jetën e vet. Ekspertët rekomandojnë të fshini të gjitha aplikacionet nga telefoni kur ndaheni, kështu edhe nëse keni momente dobësie, sa të kërkoni aplikacionet, të shkruani fjalëkalimin apo të instaloni programin, ju ka ikur dëshira t’i kërkoni apo aq më keq, t’i shkruani.
5. Nëse ishi juaj është njeri i mirë, do ta kuptojë.
Flisni, thuajini që për ju është e vështirë të vazhdoni ta shihni në rrjete sociale. Do ta kuptojë…besojmë…shpresojmë.
6. S’ka arsye pse ta mbani ende.
Nëse ndonjë ditë do të ndjeni nevojën të shihni fotot e tij/sah, mbajini në telefon apo kompjuter. Kudo ku nuk është nevoja ta ndani me gjithë botën. Do të ndiheni më mirë kështu.
