Kreu i OSBE-së në Shqipëri Bernd Borchardt ka folur për situatën politike në vend. Borchard ka theksuar se ne nxisim dialog mes palëve për reformën zgjedhore.
Gjatë fjalës së tij Borchardt deklaroi se OSBE nuk nxit bojkot zgjedhor dhe i bëri thirje partive të sjellin listat e kandidatëve. Ai tha se nuk parashikojmë që opozita do të bojkotojë zgjedhjet, ndërsa e quajti një shembull të keq për rajonin djegien e mandateve.
“Është kritikuar nga të gjithë ndërkombëtarët sepse është fitili që i vë flakën të gjithë sistemve parlamentare”, tha Borchardt.
Kreu i OSBE u pyet nëse do t’i njohin zgjedhjet lokale nëse opozita do i bojkotojë
“Kjo varet nga mënyra si shkojnë zgjedhjet, si zhvillohen ato dhe gjetjet e vëzhguesve tanë. Ne piksëpari nuk nxisim aspak bojkotin zgjedhor. Për shumë kohë Shqipëria ka qenë shtylla apo simbol i stabiltetit në rajon dhe tani shohim një veprim në parlament që nuk ka precedentë”, theksoi më tej ai.
