Një 27 vjeçar ka mbetur i plagosur me armë zjarri në orët e hershme të mëngjesit të sotëm në qytetin e Korçës.
Policia bën me dije se shtetasi me iniciale R.M., ka përfunduar në spital rreth orës 02:05 minuta të mëngjesit të sotëm me një plagë në pjesën e këmbës. Aktualisht, i riu ndodhet i shtruar nën kujdesin e mjekëve.
Ende nuk dihen motivet e ngjarjes, ndërsa grupi hetimor po punon për identifikimin e kapjen e autorit/ëve dhe zbardhjen e plotë të rrethanave të ngjarjes.
