Një ngjarje e rëndë ka ndodhur mëngjesin e sotëm në qytetin e Kavajës ku një 60 vjeçar ka mbetur i plagosur.
Mësohet se 60 vjeçari është qëlluar me armë gjahu dhe tashmë ndodhet nën kujdesine mjekëve në spitalin e Kavajës.
Policia ka identifikuar dhe ka arrestuar autorin e plagosjes, shtetasin S. T., 26 vjeç, banues në Kavajë.
Ky shtetas rreth orës 05:15 të mëngjesit të sotëm, në qytetin e Kavajës në ambientet e një furre buke, për shkak të një konflikti pronësie ka plagosur me armë gjahu pronarin e furrës, shtetasin E. K., 60 vjeç, i cili ndodhet në spital nën kujdesin mjekësor.
Njoftimi i policisë:
Plagos me armë gjahu një shtetas, identifikohet, kapet dhe arrestohet në kohë rekord nga Policia e Kavajës.
Shërbimet e Policisë Kavajë, identifikuan, kapën dhe arrestuan në kohë rekord shtetasin:
S. T., 26 vjeç, banues në Kavajë
Ky shtetas rreth orës 05:15 të mëngjesit të sotëm, në qytetin e Kavajës në ambientet e një furre buke, për shkak të një konflikti pronësie ka plagosur me armë gjahu pronarin e furrës, shtetasin E. K., 60 vjeç, i cili ndodhet në spital nën kujdesin mjekësor.
Materialet i kaluan për veprime të mëtejshme Prokurorisë së Rrethit Gjyqësor Kavajë në ngarkim të shtetasit S. T., për veprën penale “Vrasje me dashje e mbetur në tentativë”, parashikuar nga nenet 76 dhe 22 të Kodit Penal.
