Nga Tirana, Zoran Zaev ka dhënë një mesazh për opozitën shqiptare, e cila proteston kundër Ramës dhe me vendimin për djegien e mandateve është tashmë jashtë parlamentit.
Ai e ka quajtur të drejtë legjitime protestën si shprehje e demokracisë, por ka apeluar për të vënë të parin interesin e vendit dhe synimin e madh të çeljes së negociatave me BE.
“Ne ishim opozitë para 21 muajsh, e tani jam kryeministër, nuk është shumë larg për tu kujtuar se ca ndodh, e të bëjmë paralele me vendin tuaj. Jemi miq të gjithë shqiptarëve, por duhet të theksoj se në kohën kur unë isha në opozitë raportet e partnerëve, BE, flisnin për regjim hibrid në Maqedoninë e Veriut, e drejta e proceseve demokratike ishte e mundur njësoj si këtu, por kur flisja me Hahn si shef i opozitës, flisja me zyrtarët e BE-së, lusja për vendin tim t’u jepej datë e bisedimeve se ishte qëllim strategjik i vendit pa dallim për konfrontimet e brendshme si shtet. E kuptoj opozitën kudo qoftë, por duhet të kemi kujdes ndaj shtetit, pa marrë parasysh se jemi në pushtet apo opozitë, si mik i Shqipërisë, dëshiroj gjithë të mirat për këtë vend e popull miqësor, demonstrata janë vegël e demokracisë, por duhet të kemi kujdes për të ardhmen, Shqipëria pret vite të tëra të hapen kapitujt për këtë proces”-tha ai.
