Një tjetër nga kandidatët e LSI pranoi mandatin e deputeti ditën e sotme. Ai është Ralf Gjoni, i njohur ndryshe si një nga këshilltarët e “përhershëm” të LSI.
Gjoni ka qënë kandidat për deputet në qarkun e Tiranës.
Ai njihet gjithashtu si një personat më afër Ilir Metës në kohën kur ai ka qënë kryetar partie, duke qënë edhe këshilltar i tij prej vitesh.
Në 2017 ai dha dorëheqjen si sekretar ndërkombëtar i LSI, pozicion të cilin e ka mbajtur për 5 vite me radhë, duke i lënë vendin Kejdi Mehmetaj.
Në letrën e tij drejtuar votuesëve por edhe Kryemadhit, Gjoni shprehej se sfida të tjera po e prisnin.
Emri i tij nuk është një surprizë sa i përket pranimit të mandatit. Kjo pasi Ralf Gjoni, pak ditë më parë postoi në foto me Knut Fleckenstein me shkrimin: “Me mikun tim të mirë Knut Fleckenstein MEP duke diskutuar për të ardhmen e Shqipërisë, nën diellin e Tiranës që po ndriçon…”.
Më pas, në një sqarim për mediat Gjoni shkruajti se nëse e pranon mandatin ky do të jetë një vendim i tij personal larg çdo presioni partiak ose jo.
Ky ishte sinjali i parë i dhënë prej tij deri në finalizimin e sotëm, kur Ralf Gjoni ka dorëzuar në KQZ, formularin e dekriminalizimit dhe për rrjedhojë kërkon të marrë mandatin e deputetit.
E pyetur për Ralf Gjonin, pas këtyre momenteve, kryetarja e LSI Monika Kryemadhi u shpreh se “merkatoja ka nisur”.
Jetëshkrimi:
Përgatiti: AlpeNews.al
