Gjykata e Apelit ka shtyre seancën për të dhënë vendimin se cfare do te beje me kerkesen e Izet Haxhise per riceljen e procesit gjyqesor. Apeli do te shprehet në 18 mars ora 12:00.
Nderkohe qe ne seancen e sotme, Izet Haxhia, duke argumentuar nevojen per rihapje te procesit ka thene se “jam deshmitar i dores se pare dhe deri tani nuk jam degjuar nga asnje gjykate”.
Gjykata e Apelit Tiranë, pasi dëgjoi të dyja palët, avokatin e Haxhisë, Bashkim Nikollin, i cili kërkoi hapjen e shqyrtimit gjyqësor dhe prishjen e vendimit, si dhe, prokuroren, Fationa Memçaj, e cila tha se nuk ka asnjë arsye për hapje të shqyrtimit duke kërkuar rrëzimin e kërkesës, është tërhequr për të marrë vendim.
Me heret, ish-truproja e Sali Berishës, tashme ne burg ka kerkuar sot ne seancen ne Apelin e Tiranes nderrim te trupes qe do ta gjykoje.
Permes avokatit te tij, ai kerkoi kohe qe te pergatise kerkesen per perjashtim te trupi gjykues.
Ai ka kerkuar te gjykohet nga gjyqtare qe kaluan vetingun. Kujtojme se Haxhia ka kerkuar rigjykimin e dosjes se “Azem Hajdarit”, vrasje per te cilen ai eshte denuar me 25 vjet burg.
ANKIMIMI
Në materialin prej 20 faqesh, Izet Haxhia kërkon marrjen në shqyrtim të kërkesës së tij dhe prishjen e vendimit të Shkallës së Parë. Ai madje ka edhe një kërkesë të posaçme, që është ballafaqimi me ish-Kryeministrin Sali Berisha. Sipas Haxhias, ka qenë ky i fundit që e ka akuzuar atë drejtpërdrejt për vrasjen e Azem Hajdarit.
Përveç Berishës, Haxhia kërkon edhe 39 dëshmitarë të tjerë, që të dëshmojnë përpara gjykatës në lidhje me rastin e tij. “Unë dua të ballafaqohem me Sali Berishën dhe nuk e personalizoj aspak këtë këmbëngulje, pasi unë akuzohem si vrasës i Azem Hajdarit e pasi unë duhet të merrja me mend ç’kishin në mend ata që e vranë, ndërsa shtetasi Sali Berisha që e nxjerr në pritë sikur të ishte bodigard deputetin dhe shikon nga dritarja pastaj ngjarjen dhe pas 20 minutash del e bën edhe pretencën si prokuror, s’ka asnjë përgjegjësi. Kam shumë pyetje në përballjen me shtetasin Sali Berisha, por dy janë më kryesoret: përse e donte të vdekur idealistin Azem Hajdari; përse më kërkonte të vdekur pas kësaj edhe mua me dy vëllezërit e mi, ndërsa në pamundësi të kryente këtë akt makabër, na dhuroi 50 vjet burgim, duke na akuzuar si vrasës pa qenë të tillë”, shkruan Izet Haxhia në kërkesën drejtuar Gjykatës së Apelit Tiranë. Më tej, në kërkesë, Izet Haxhia liston edhe 39 dëshmitarë të tjerë, të cilët janë deputetë dhe ish-deputetë, gazetarë etj. Ndër ta përmendim ish-Kkryeministrin Fatos Nano, ish-kreun e SHIK, Fatos Klosi, ish-deputeten Topalli, Jemin Gjana, Genc Pollo, Vili Minarolli, Spartak Poçi, Petro Koçi etj..
Gjithashtu, në listën e dëshmitarëve që kërkon Izet Haxhia janë edhe Nehat Kulla e Jaho Mulosmani. Më tej, në kërkesë, Izet Haxhia përmend edhe një sërë provash që duhet të merren parasysh nga Gjykata përpara se të shprehet. Përmendim këtu tabulatet telefonike të të gjitha numrave celularë që kanë mbajtur persona që paraqesin interes për çështjen sipas inventarit të dosjes së vrasjes së Azem Hajdarit, blloku i shënimeve sekrete të Perikli Tetës, i cili mendohet se ka mbajtur të tilla për periudhën para dhe pas vrasjes së Hajdarit. Blloku i shënimeve të ish-Drejtorit të Përgjithshëm të Policisë, Albert Dervishi etj..
