Një sasi prej 84 kilogramë kanabis sativa u kap nga policia e Malit të Zi, në Tuz.
Lënda narkotike u sekuestrua këtë të diel, ndërkohë që kishte hyrë nga Shqipëria.
Mësohet se kanabisi i ndarë në 97 pako, mendohet të jetë transportuar nga Shqipëria drejt Malit të Zi, nëpërmjet liqenit të Shkodrës.
Por teksa policia arriti të sekuestrojë lëndën narkotike, shqiptari humbi gjurmët.
Dyshohet se pas trafikimit të lëndës narkotike, shqiptari është kthyer sërish në Shqipëri.
Aktualisht vijon puna për kapen e të dyshuarit, teksa autoritetet malazeze në bashkëpunim me ato shqiptare vijojnë shkëmbimin e informacioneve.
