Santa Rita dhe Porto Nuova janë dy nga lagjet ku jetoi më shumë gjatë qëndrimit të tij në Itali Riza Kociraj.
Në Torino punonte së bashku me vëllain e tij. Në vitin 2009 vendos të kthehet në Shqipëri për të kaluar festat e fundvitit bashkë me familjen në Vlorë. Udhëtimin për në Shqipëri e bëri bashkë më kunatin e tij. Pasi fjeti një natë në Fier, të nesërmen e 27 dhjetorit niset drejt qytetetit bregdetar të lindjes.
Me të mbërritur ka porositur një makinë për të dërguar valixhet në fshatin Vllahinë, atje ku dhe banonte familja e tij. Ka telefonuar familjarët dhe u ka thënë se do vonohej pak. Kjo ka qenë dhe telefonata e fundit për Rizain, pasi më pas telefoni i tij doli i fikur.
Ishte pak ditë nga ndërrimi i viteve, ndërsa Riza Kociraj nuk festoi me familjen. Një nga shoferët e autobuzave të linjës Vlorë-Tiranë ka mësuar se Rizai ka udhëtuar si pasagjer drejt Lushnjes. Askush nuk mundi të mësojë se cilat ishin planet e Rizait, sapo u kthye në Shqipëri pa takuar ende familjarët, ai u zhduk papritur.
Rizai është vëllai i katër vëllezerve fatin e të cilit nuk e mësuan kurre. Nipi i Rizait, Ledjoni është në kërkim të gjurmëve të dajës…..
