WhatsApp po punon për një opsion të ri që do ta bëjë më interesant komunikimin tuaj me miqtë.
Aplikacioni me miliona përdorues në të gjithë botën po planifikon të prezantojë një opsion shtesë që iu lejon të bëni video telefonata në grup. WhatsApp do të bëjë të mundur që gjatë muajve të ardhshëm, miqtë apo edhe kolegët të bisedojnë me njëri-tjetrin ballë për ballë, pa nevojën e takimeve të zakonshme.
WhatsApp ka shtuar opsion e të komunikuarit nëpërmjet videove vitin e kaluar si një përpjekje për të konkurruar Apple, Microsoft apo edhe Google.
Megjithatë, aktualisht është e mundur vetëm të bëni thirrje normale.
Ende nuk dihet nëse ose kur funksioni i video telefonatave në grup do të vihet në dispozicion si version i ri i WhatsApp.
