Një ngjarje e rëndë është raportuar në autostradën e Tiranë-Durrës, ku një automjet tip fuoristradë ka përplasur një makinë në bordin e të cilës ishin, dy zonja me fëmijët e tyre.
Ngjarja e rëndë ka ndodhur në afërsi të Gjirit të Lalëzit.
Sipas informacioneve paraprake njëra prej grave është transportuar për një urgjencë, por ka ndërruar jetë. Viktima është identifikuar si Mirela Daci.
Ajo ishte duke udhëtuar në mjetin e saj, ndërkohë që janë përplasur me një makinë fuoristradë.
Mësohet se makina fuoristradë drejtohej nga një çift francezësh.
Po ashtu burime bëjnë me dije se zonjat ishin motra dhe ishin në prani të fëmijëve të tyre gjatë momentit të aksidentit.
