Kush përdor rregullisht WhatsApp për të komunikuar me miqtë dhe të dashurit, përdor gjithashtu edhe shumë “emoji” për t’i bërë bisedat më të shpejta.
Kohët e fundit është ndërmarrë një nismë shumë e veçantë që e plotëson më shumë gjininë femërore, i cili i referohet ciklit menstrual dhe ju lejon të thoni lehtësisht me një emoji kur ju kanë ardhur menstruacionet.
Cikli menstrual ende konsiderohet si një tabu dhe pikërisht t’i dhënë fund një absurditeti të tillë Shoqata “Plan International”, e cila merret me mbrojtjen e të drejtave të fëmijëve, sidomos vajzave, hodhi idenë e krijimit të një emoji të dedikuar menstruacioneve.
Cikli menstrual është një ngjarje e natyrshme dhe fiziologjike për çdo grua, por shpesh shoqëria ndihet në siklet për të folur rreth saj, gjë që e kthen subjektin në një tabu të vërtetë.
Emoji përfaqëson një pikë të vogël të kuqe dhe mund ta përdorni kur doni t’i komunikoni dikujt se ju ka ardhur cikli pa qenë nevoja të përdorni shumë fjalë.
Krijimi i një emoji të tillë ishte hedhur si ide qysh në vitin 2017 dhe pasi mori mbështetjen e 54,600 njerëzve, më në fund po bëhët realitet.
Për momentin ende nuk është në dispozicion, por deri në fund të 2019-ës emoji do të arrijë në të gjitha telefonat smart, në mënyrë që të përdoret rregullisht në WhatsApp, Facebook dhe Instagram.
