Policia e Tiranës ka vënë në pranga 9 persona, të cilët akuzohen për veprën penal “vjedhje duke shpërdoruar detyrën”.
Mësohet se personat në fjalë janë hetuar nga krimi ekonomik dhe janë arrestuar, pasi janë zbuluar teksa kryenin vjedhjen e kompanisë ku punonin.
Policia bën të ditur se veç 9 të arrestuarve, 5 shtetas janë po procedohen në gjendje të lirë, kurse 6 të tjerë janë shpallur në kërkim.
Personat e arrestuar që janë të moshës së re, aktivizonin paketa telefonikë me anë të programeve të paligjshme, duke i shkaktuar kompanisë celulare një dëm ekonomik prej rreth 510 mijë euro.
“Shtetasit e lartpërmendur kryenin aktivitetin e kundraligjshëm të rimbushjes dhe aktivizimit të paketave promocionale të një kompanie telefonike celulari (jashtë vendit) duke përdorur aplikacione dhe platforma të kundërligjshme dhe kanë realizuar vjedhje duke shpërdoruar detyrën në postet e tyre të punës që kanë në një kompani Call Centri me adresë në qytetin e Tiranës, duke i shkaktuar kompanisë telefonike një dëm prej 510 000 euro”, thekson njoftimi i Policisë.
Njoftimi i plotë i Policisë
Operacion policor i koduar “Çentralisti” nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë. Ndalohen 9 shtetas për veprën penale “Vjedhje duke shpërdoruar detyrën”. Gjithashtu procedohen në gjendje të lirë dhe 5 shtetas, ndërsa 6 të tjerë shpallen në kërkim. Seksioni për Hetimin e Krimit Ekonomik dhe Financiar në DVP Tiranë në bashkëpunim me Prokurorinë e Rrethit Gjyqësor Tiranë, pas një pune intensive hetimore 8 mujore, në kuadër të procedimit penal të vitit 2018, finalizoi operacionin policor të koduar “Çentralisti”, ku u ndaluan shtetasit:
- F., 36 vjeç, banues në Tiranë
- V., 30 vjeç, banues në Fier
- K., 33 vjeç, banues në Tiranë
- A., 27 vjeç, banues në Tiranë
- B., 35 vjeç, banues në Tiranë
- D., 34 vjeç, banues në Tiranë
- S., 22 vjeç, banues në Tiranë
- G., 38 vjeç, banues në Tiranë
- O., 25 vjeç, banues në Tiranë
Shtetasit e lartpërmendur kryenin aktivitetin e kundraligjshëm të rimbushjes dhe aktivizimit të paketave promocionale të një kompanie telefonike celulari (jashtë vendit) duke përdorur aplikacione dhe platforma të kundërligjshme dhe kanë realizuar vjedhje duke shpërdoruar detyrën në postet e tyre të punës që kanë në një kompani Call Centri me adresë në qytetin e Tiranës, duke i shkaktuar kompanisë telefonike një dëm prej 510 000 euro.
Gjithashtu janë proceduar në gjendje të lirë dhe 5 shtetas, ndërsa 6 të tjerë janë shpallur në kërkim. Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasve të lartpërmendur, për veprën penale “Vjedhje duke shpërdoruar detyrën” të parashikuar nga neni 135/2 i Kodit Penal”.
