Protesta e opozitës dhe djegia e mandateve prej tyre duket se ka rrëmbyer vemëndjen e të huajve si asnjëherë më parë për arsye të kuptueshme.
Megjithatë, Italia është vendi që është interesuar më shumë duke intervistuar krerët e forcave politike në Shqipëri e madje edhe duke bërë reportazhe aspak pozitiive për vendin tonë.
Të gjitha këto erdhën pikërisht në momentin kur opozita vendosi ti djegë dhe I dorëzoi përfundimisht mandatet.
Prej tre ditësh, edhe mediat shqiptare “vlojnë” nga prezenca e mediave italiane. Ishte fillimisht Sali Berisha për “Il messengero”, që bëri deklarata aspak normale (nga ato që nuk behen në “sytë e botës”) per kryeministrin Rama.
Më pas ishte Lulzim Basha për “Rainews” dhe Monika Kryemadhi po për “RaiNews”. Qendrimet e të dyve ishin të njëjta: Protesta dhe vetëm protesta.
Sot, “Republicca.it” publikoi intervistën me kryeministrin Rama, ku një ndër pyetjet ishte: “Ish Presidenti ka përdorur fjalë shumë të rënda kundër jush. Tha se njerëzit mund t’ju hedhin në lumë dhe se e vetmja mënyrë për t’ju eliminuar është plumbi”.
Interesi i Italisë për rastin kuptohet qartë. E para, sepse shumë prej investimeve të huaja në Shqipëri janë pikërisht nga Italia.
E dyta, sepse një pjesë e “mirë” e trafikut të drogës është po drejt Italisë, ose vjen nga Italia.
E treta, dhe jo më pak e rëndësishmja, sepse Italia është në BE dhe ka një rol kyç në proceset e Shqipërisë.
Kjo e fundit sigurisht që tani është bërë më e vështirë se më parë, duke qënë se ndërkombëtarët e kanë paralajmëruar pengesën, që pas djegies së mandateve.
Përgatiti: AlpeNews.al
