Policia ka vënë në pranga një 44-vjeçar, i cili akuzohet se ka vjedhur kompaninë ku punonte.
Njoftimi i policisë
Kapet duke vjedhur në kompaninë ku punonte, ndalohet nga policia.
Specialistët për Hetimi e Krimeve në Komisariatin e Policisë Fier, ndaluan shtetasin:
E.G, 44 vjeç, banues në Fier. (Me detyrë mekanik në një kompani nafte). Ndalimi i këtij shtetasi u bë pasi në fshatin Zharëz, Patos, në ofiçinën e kompanisë ku punonte, dyshohet se ka vjedhur disa litra naftë dhe vaj lubrifikant.
Në cilësinë e provës materiale ju gjetën dhe sekuestruan në mjetin e tij tip “Benz” disa bidona plastikë të mbushur me vaj dhe naftë. Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhje e kryer duke shpërdoruar detyrën”.
