Presidenti rus Vladimir Putin dhe ai turk Erdogan janë takuar në Ankara ku kanë diskutuar për marrëdhëniet mes dy vendeve, por edhe për situatën e krijuar në Lindjen e Mesme pas njohjes që Trump i bëri Jerusalemit si kryeqytet të Izraelit.
Erdogan tha se ky vendim ka shkaktuar indinjatë të madhe në mbarë botën.
“Krahas myslimanëve, ky vendim zhgënjeu edhe të krishterët, e madje edhe hebrenjtë me arsye të shëndoshë”, tha Erdogan, raporton Anadolu Agency.
Erdogan tha se Izraeli është duke i konsideruar zhvillimet e fundit si një mundësi për ta rritur trysninë dhe dhunën ndaj palestinezëve.
“Izraeli po e konsideron procesin e fundit si një mundësi për ta rritur edhe më shumë trysninë dhe dhunën ndaj palestinezëve. Nuk është e mundur që një person me ndërgjegje, moral, parim dhe vlera t’i shpërfillë këto vrasje”, tha presidenti Erdogan.
