Ish-kreu i policisë në Bashkinë e Tiranës Florenc Hoxha mbeti në burg. Gjykata vlerësoi si të ligjshëm arrestimin e tij pas protestës së dhunshme të opozitës të shtunën para kryeministrisë.
Bashkë me Florenc Hoxhën u dha masa edhe për 19 të arrestuarit e tjerë që u arrestuan pas protestës që degjeneroi në dhunë. Ku në mesin e të arrestuarve ishin edhe dy gra ndaj të cilave u vendos masa detyrim paraqitje, ndërsa për protestues të tjerë u vendos edhe masa e arrestit në shtëpi.
Po kush është Florenc Hoxha njeriu më besnik I Lulzim Bashës në kohën kur drejtonte bashkinë e Tiranës:
Florenc Hoxha, ish-kreu i policisë në Bashkinë e Tiranës është një emër mjaft i njohur për Policinë e Tiranës.
Ai u arrestua mbrëmjen e 17 shkurtit në komisariat pasi ishte fotografuar teksa ka qenë pjesëmarrës në protestën e opozitës që u zhvilluar ditën e shtunë. Po kjo nuk është hera e pare dhe e vetme për ish drejtuesin epolicisë Bshkiake të Tiranës në kohën kur Luzim Basha ishte në krye të kryeqytetit.
Florenc Hoxha 40-vjeç, banues në Tiranë është arrestuar në vitin 2015 nga policia e Tiranës pasi më datë 09.05.2015, në rrugën ‘’Ali Demi”, ka kanosur se do t’u prishte lokalin dhe ka goditur me grushta dhe shkelma shtetasit K.K, 35 vjeç, banues në Tiranë dhe E.K, 37 vjeç, banues në Tiranë.
Ndërsa në vitin 2014, Hoxha, është përfshirë në një përleshje, ku ka mbetur vetë i plagosur. Ngjarja ndodhi më 14 nëntor në ambientet e një lokali në Farkë të Tiranës, teksa Hoxha u qëllua me thikë nga një person, që ndodhej në një tavolinë tjetër.
Hoxha ka qenë edhe më parë pjesëmarrës në protestat e organizuara nga opozita apo ku kjo e fundit ka dhënë mbështetjen e saj. Një prej tyre është edhe protesta që zhvilluan banorët e Astirit kundër projektit “Unaza e madhe”. Ish-kryetari i Inspektoriatit Ndërtimor u fotografua në krah të liderit të PD-së, Lulzim Basha.
Gjatë kohës që drejtonte Inspektoratin Ndërtimor të Tiranës, ndaj Hoxhës rëndojnë një sërë akuzash për dhunim dhe prishje të pronës së qytetarëve. Hoxha është denoncuar gjithashtu në vitin 2012 në prokurori nga një familje në Tiranë, pasi pretenduan se po u grabitej prona.
Kur herët e tjera gjykata e kishte lënë të lire Florenc Hoxhën duket se kësaj radhe nuk rezultoi ashtu pasi ndaj tij u dha masa arrest me burg.
Përgatiti: AlpeNews.al
