Një letër që Albert Ajnshtajn ia dha një korrieri në Tokio 95 vjet më parë, që përshkruan qartë teorinë e tij për një jetë të lumtur, do të dalë në shitje.
Fizikani ia dha mesazhin korrierit përderisa ishte në një turne ligjërimi në Japoni më 1922.
Në ato kohë Ajnshtajn veç sa ishte njoftuar se do ta fitojë Çmimin Nobel për fizikë, dhe fama e tij në botë veçse po rritej.
Një korrier japonez arriti në Hotelin Imperial në Tokio për t’i përcjellë një mesazh Ajnshtajnit. Korrieri refuzoi të merrte bakshish nga Ajnshtajn, por ky i fundit nuk donte ta linte duarthatë atë.
Kështu, ai ia shkroi atij dy letra në gjuhë gjermane, thuhet sipas shitësit. “Nëse ke fat, kjo letër do të bëhet më e vlefshme se një biletë normale”, i tha Ajnthajn atij.
Në njërën letër thuhet: “një jetë e qetë dhe modeste sjell më shumë lumturi sesa vrapimi pas suksesit pa pushim”. Tutje, në letrën tjetër thuhet: “kur ka vullnet, ka një mënyrë”.
