Detaje të reja mësohen rreth atentatit te ndodhur një ditë më parë në Vlorë, ku mbetën të vdekur Aurest Rexho 37 vjeç, Arjan Hasani 45 vjeç si dhe u plagos Armando Sulejmani, 43 vjeç. Policia e Vlorës ka arrestuar të plagosurin pasi i ka gjetur me vete një armë zjarri pa leje.
Arrestimi iu komunikua në spital ku po merr mjekim pas plagosjes. dyshohet se 43-vjeçari ka qenë dhe shënjestra e atentatit për shkak të së kaluarës dhe precedentëve penalë.
I njohur me nofkën “Çipuri” Armando Sulejmani ka qene anëtar i bandës se Gaxhait. Ai është dënuar me 20 vite burg për kryerjen e një vrasje, ndërkohë që ka fituar lirinë në vitin 2016. Po në këtë vit kur është liruar nga burgu, ‘Çipuri’ i shpëtoi një tjetër atentati me armë pranë banesës se tij, ku nga 11 plumba e kapi vetëm njëri.
News24 ishte sot në pallatin e Sulejmanit, ku edhe pas 3 vitesh duken ende shenjat e plumbave të atentatit të parë. Pajisja me kamera sigurie nga rruga deri ne derën e apartamentit, shoqërimi i Sulejmanit në hyrje dhe dalje nga kunati Aurest Rexho dhe shoku i tij Arjan Hasani ishin disa nga masat që Cipuri kishte marrë që pas atentatit të vitit 2016.
Në lidhje me ngjarjen e se dielës është ngritur një grup hetimor me ekspertë nga policia e Vlorës dhe drejtoria e përgjithshme të cilët po hetojnë dhe kanë shoqëruar 17 persona. Në vendngjarje janë gjetur 40 gëzhoja, ndërsa ne automjetin e autoreve e cila rezulton e vjedhur gjet u gjeten 3 armë zjarri automatike.
