“Mafia shqiptare është e egër dhe e fortë, aleate me Ndragheta-n dhe po fiton terren cdo ditë e më shumë”. Kështu deklaron prokurori i Catanzaro-s, Nicola Gratteri për krimin shqiptar në Itali. Gjithashtu ai thekson se mafia shqiptare bashkëpunon edhe me grupe të tjera kriminale.
“Por bashkëpunimet janë të vazhdueshme edhe me grupime të tjera kriminale siç e tregon edhe menaxhimi i kokainës së rrugës që kontrollohet nga Ndragheta, mafia nigeriane apo grupet kriminale lokale” shtoi Gratteri.
Dy vendet kanë rritur bashkëpunimin për goditjen e grupeve kriminale përmes skuadra të përbashkëta, të posaçme që nis nga aktiviteti ilegal dhe deri te pastrimi i parave. Pak ditë më parë u goditën katër grupe kriminale që vepronin në të dy vendet pas një hetimi dy vjeçar.
