Skënderbeu ruan ritmin kryesues teksa vijon të fitojë, sikurse bëri edhe në këtë javë të 7-të të kampionatit të Kategorisë Superiore, në transfertë ndaj Teutës. Korçarët kanë fituar sot me përmbysje, por bindshëm 1-4 ndaj ekipit të Maganit, që tashmë është në krizë rezultatesh dhe loje, teksa ka regjistruar katër humbje në pesë javët e fundit. Bardhekuqtë e kanë parë veten në disavantazh që në fillim të takimit, për të zhvilluar një pjesë të parë jo pozitive, por duke reaguar në mënyrë ekstreme në fraksionin e dytë të lojës, aty ku është takuar plot 4 herë me golin, në dy prej okazioneve nga pika e bardhë e penalltisë.
Shënues: Latif 9’ / Taku 49’, Lilaj 67’ (11-m), Sowe 72’, Muzaka 78’ (11-m)
