Përmbytjet në Australi kanë bërë që të dalin krokodilë dhe gjarpërinjë nga ujërat e ndotura në zona të banuara. Më shumë se 1.100 njerëz janë evakuuar nga qytetit Toënsville për shkak të përmbytjeve që konsiderohen si “një herë në shekull”.
Autoritetet kanë paralajmëruar që banorët të jenë të kujdesshëm pasi shiu i madh pritet të vazhdojë dhe në ditët e ardhshme.
Rreth 20 mijë shtëpi mund të rrezikohen nga përmbytjet. Punonjësit e emergjencës dhe ushtria thanë se kishin marrë më shumë se një mijë thirrje për ndihmë. Ata kanë përdorur anije dhe helikopterë për të evakuuar njerëzit.
“Krokodilat mund të shihen duke kaluar rrugë dhe kur përmbytja të zhvendoset, krokodilat mund të shfaqen në vende të pazakonshme si fermat apo gropat e ujit. Edhe gjarpërinjtë janë notues shumë të mirë dhe ata gjithashtu mund të dalin papritur”, tha Leeanne Enoch, Ministri i Mjedisit i Queensland.
Një banore lokale, Erin Hahn ka publikuar fotografitë e një krokodili të ulur në ujë të cekët pranë makinës së babait të saj. Një tjetër u fotografua duke ngjitur një pemë.
