Ministri i Punëve të Jashtme të Kosovës, Beghet Pacolli ka thënë se dialogu në mes Kosovës dhe Serbisë për disa çështje të caktuara do të fillojë në janar me intensitet më të shtuar.
Në një prononcim për televizionin publik të Kosovës, Pacolli pret se në fund të vitit 2018 do të arrihet një marrëveshje përfundimtare e pajtimit në mes të të dyja vendeve.
“Gjatë vitit 2018 do të përfundojmë edhe dialogun. Shpresoj shumë që dialogu të përfundojë me traktatin e paqes, në mes Kosovës dhe Serbisë dhe ky traktat i nevojitet edhe Kosovës edhe Serbisë dhe ardhmërisë së popujve të të gjithë rajonit”, tha Pacolli.
