Fotot tragjike të një fëmije sirian që vuan nga kequshqyerja shfaq pasojat e rënda të betejës kundër ISIS që ka detyruar mijëra familje të lënë shtëpitë e tyre. Fëmija që prej ditës së djeshme po trajtohet nga infermierët në një klinikë në qytetin Hamouria në periferi të kryeqytetit të Damask.
Nuk dihet se çfarë moshe ka fëmija por pesha e tij është vetëm 1.9 kilogram.
Konflikti sirian ka filluar 7 vite më parë dhe deri tani janë vrarë mijëra njerëz.
Më shumë se gjysma e sirianëve janë të pastrehë dhe pikërisht nga ky konflikt ka ardhur edhe kriza më e keqe e refugjatëve në botë.
Megjithatë bota sa vjen e flet më pak për këtë masakër njerëzore dhe askush nuk ja ka idenë se si mund të ndalohet.
