I pranishëm dje në garën e Çmimit të Madh të Amerikës në Formula 1, atleti xhamajkan Usain Bolt, tashmë i tërhequr nga sporti, ka deklaruar sot se ka shanse të mëdha që vitin tjetër të debutojë në një ekip futbolli, ëndrra e tij.
“Shanset që të më shihni duke luajtur futboll si profesionist janë të mëdha”, tha Bolt, 31 vjeç, atleti që mban rekordet e botës në garat e 100 dhe 200 metrave.
Sprinteri 8 herë fitues i medaljes së artë në Lojërat Olimpike pret të mësojë dhe nisë të ardhmen e tij si futbollist, ndërkohë që rrëfen se së fundi është stërvitur me skuadrën e Tottenham.
“Po bëj disa teste me disa ekipe, po stërvitem për të qenë në formë dhe gati për çdo rast. Do të më pëlqente sinqerisht të nisja seriozisht një aventurë në një ekip futbolli”, tha Bolt për mediat, që ka konfirmuar se kohët e fundit ka ndjekur nga afër stërvitjen e skuadrës së Tottenham.
“Po, kam qenë në Londër dhe jam argëtuar duke u stërvitur me Tottenham, një ekip i madh. E rëndësishme është që një ditë të zbres në fushë në një ndeshje si profesionist”, tha Bolt, që dihet nga të gjithë që është një tifoz i çmendur i Manchester United.
