Debati për mundësinë e ndalimit të udhëtimit të Berishëve në SHBA nuk është dhe nuk do të jetë kurrë një lajm zyrtar.
Nëse ekziston, ajo ekziston si një ngjarje që ka lidhje me kriteret që shteti amerikan ka vendosur për ish zyrtarë apo njerëz të rëndëishëm të një vendi të përfshirë në konspiracion apo veprimtari kriminale kundër SHBA.
Pyetjet drejtuar Departamentit të Shtetit për këtë gjë, janë banale dhe fyese për inteligjencën e lexuesve.
Departamenti i Shtetit nuk jep viza dhe nuk ndalon viza.
Departamenti i Shtetit është Ministria e Jashtme dhe vizat i jep dikush tjetër.
Askush nuk ka thënë që Berishët janë në listën e zezë të Presidentit të SHBA, apo në listën e personave që Departamenti i Shtetit ka listuar publikisht si të padëshiruar.
Nuk është çudi që ndonjë ditë të jenë edhe aty, ata dhe të tjerë, por nuk janë aktualisht.
Refuzimet e vizave janë sjellje politike që kanë të bëjnë me politikën e shtetit që jep vizë.
Nuk janë vetëm Berishët që mund tu jetë refuzuar viza për në SHBA. Ka plotë politikanë të tjerë, zyrtarë të pushtetit aktual, kryetarë bashkish, apo njerëz që ata dyshojnë se janë të papërshtatshëm për ta përdorur SHBA-në si vend udhëtimi. Për askënd prej tyre nuk ka njoftim publik.
Vangjush Dako për shembull e ka pranuar vetë publikisht se i është refuzuar viza,pasi ndryshe nuk do ta dinim që ia kanë refuzuar.
Kështu ka ndodhur me botues shtypi, me ish ministra dhe zyrtarë në detyrë. Kështu mund të ketë ndodhur dhe me Berishët si fis.
Kur Departamenti i Shtetit do të bëj betejë politike, ai i bën vetë publike, siç ishte rasti i prokurorëve dhe gjykatësve që kundërshtonin Reformën në Drejtësi. Për të tjerët nuk i bën dhe kjo është politikë e tyre.
Është dhe më qesharake pretendimi se Berisha ka vizë të përjetëshme për në SHBA, (nuk e di në çfarë passaporte e mban këtë) se në atë që ka mezor ka marrë një vizë në vitin 2001 pas shumë vitesh, nga viti 1996.
Nuk është fundi i botës, por kjo që po bën Berisha dhe gazetat e tij është turpi i botës. Bëjnë sikur pyesin dikë që nuk ka lidhje me çështjen, ndërkohë që shumë prej tyre mund të pyesin pronarët e tyre, për të njëjtin hall.
As atyre nuk ju ka ka dalë emri.
