Policia e Kosovës ka dhënë detaje rreth një personi të gjinisë femërore që dje është gjetur e vdekur në fshatin Novosellë e Begut të Vushtrrisë.
Zëdhënësi i Policisë së Rajonit të Mitrovicës, Avni Zahiti, tha për kallxo.com se rreth orës 14:00 është raportuar se një person i gjinisë femërore është gjetur pa shenja jete në shtëpinë e saj.
Sipas zëdhënësit të Policisë, viktima është rreth 45-vjeçare.
Zahiti tha se rasti është proceduar si vdekje e dyshimtë.
“Me urdhër të prokurorit të rastit, trupi i pajetë i viktimës është dërguar për ekspertize”, tha Avni Zahiti.
