Shqiptari Aleksandër Luca përveç vrasjes së studentes greke, akuzohet edhe për përdhunimin e një 19-vjeçareje me aftësi të kufizuara. Në dëshminë e tij të fundit ai ka mohuar përfshirjen e tij në abuzimin seksual ndaj vajzës, ndërsa ka shtuar se kërkojnë t’ja ngarkojnë atij çdo akuzë. Shqiptari ka treguar se 3 ditë pasi studentja greke u gjet në det, ai i kishte thënë shokut të tij grek, që të dorëzohen në polici.
Luca tha:
Dola bashkë me T…, që është shoku i grekut dhe shkuam për të ngrënë sufllaqe. I thashë që ta merrte në telefon (shokun grek) sepse po e kërkoja. Nuk e kisha numrin e tij dhe nuk më kujtohej. Doja t’i thosha që të shkonim në polici për Elenin. E mori në telefon, por ai nuk u përgjigj. Më pas dolëm shëtitje.
Më tej ai ka ngritur dyshime se ndaj tij po organizohet një komplot, për t’ja ngecur të gjithë fajin.
Shqiptari u shpreh:
Nuk kam gisht në abuzimin e vajzës. Nuk e kuptoj përse i thonë këto djali rom dhe vet vajza. Paguhen që të m’i ngarkojnë mua të gjitha. E di që babai i grekut ka shumë para”, thotë 20-vjeçari shqiptar, i cili pretendon se po bëhet një plan në kurriz të tij për ta shpallur fajtor.
Mediat greke bëjnë me dije, se shqiptari i ka dhënë hetuesve grekë kodin e celularit, pasi këta të fundit kërkojnë informacione shtesë.
Kujtojmë këtu se Aleksandër Luca dhe shoku i tij grek, Manolis Koukourasmbahen në paraburgim, pasi dyshohet se kanë abuzuar dhe vrarë studenten greke, Elene Topaloudi. Të dy janë përpjekur t’ja hedhin fajin njëri-tjetrit në lidhje me vrasjen e grekes.
Shqiptari akuzohet gjithashtu se ka përdhunuar edhe një vajzë me aftësi të kufizuara, sëbashku me një 23-vjeçar rom i cili është arrestuar.
