Ditët e para të janarit ishin tronditëse ku krimi në familjet shqiptare goditi edhe njëherë.
Aleko, babai shqiptar vrau e më pas groposi të bijën 28 vjeçe vetëm sepse nuk I pranonte lidhjen që kishte me një afgan.
Javë më vonë, duket se detajet e reja kanë zbuluar prapaskena tronditëse. Kjo pasi familjaret e viktimës, mamaja dhe hallat kanë zbuluar se e reja ishte përdhunuar, dyshimet e të cilave janë për të atin.
Sado e trishtë, ky nuk është rasti i vetëm e as I fundit që familjet shqiptare janë tronditur nga fenomeni I inçestit.
Kujtojmë këtu, vajzën që rrëfeu përdhunimin për 16 vite nga I ati dhe rastin e rrallë në Kosovë, të cilat padyshim i kanë marrë rininë të rejave shqiptare.
U vra dhe u gropos nga i ati, dyshohet se e ka përdhunuar
Në studion e emisionit “Me Zemër të Hapur” në News 24 hallat e Anxhelina Petros të vrarë më 2 janar nga babai i saj Aleko Petro, që nuk pranonte lidhjen e së bijës me një të ri afgan bënë një rrëfim tronditës.
Sipas tyre Anxhelina ishte përdhunuar në moshën 13-vjeçare kur jetonte me të ëmën. Që nga ai moment, siç thanë ato vajza u shkëput prej nënës. Dyshimet janë se Anxhelina është përdhunuar nga i ati, por ende asgjë nuk është e konfirmuar.
Rrëfimi tronditës i vajzës që u përdhunua 16 vjet nga babai
Një ngjarje e rëndë incesti është denoncuar më parë në Tiranë, ku babai dyshohet se ka abuzuar seksualisht me të bijën për 16 vjet radhazi. Vajza, aktualisht 25 vjeçe, ka rrëfyer në Polici se i ati e ka përdhunuar për herë të parë që kur ishte 9 vjeçe. Ajo ka treguar se ai e ka kërcënuar dhe ka ushtruar dhunë të vazhdueshme dhe nuk e ka lejuar që t’i tregojë askujt.
Ngjarja bëhet edhe më dramatike, pasi e dëmtuara ka rrëfyer se i ati e ka lënë shtatzënë dhe ajo është detyruar të abortojë. Prej disa ditësh, 25- vjeçarja J. Nakuçi ishte larguar nga shtëpia e saj, që ndodhet në rrugën “Sulejman Delvina” në Tiranë dhe ishte strehuar te murgeshat, në një Kishë Ortodokse.
15-vjeçarja që shpëtoi nga mbytja në liqen u përdhunua nga i ati në 2015
Mbytja e te miturit 12-vjeçar në liqenin e Kasharit te ngrire nga temperaturat e acarta pasi ra brenda ne liqen kur u thye akulli, nxorri në pah një tjetër histori të dhimbshme.
Policia tha se bashke me djalin qe humbi jeten ishte edhe e motra e tij, 15-vjeçarja që shpetoi pa u mbytur dhe që u perpoq te nxirrte gjalle edhe te vellane nga liqeni por nuk mundi.
Kjo vajze është përdhunuar nga i ati dy vjet më parë, dhe kete e ka provuar edhe gjykata pas analizës së ADN-së.
Behet fjale per shtetasin Fatos Gurakuqi, babai i dy femijeve, i cili u kallëzua në polici nga vajza e tij 15-vjeçare F.G. më 18 nëntor të 2015-ës.
Kosovë, 14-vjeçarja fëmijë me djalin e dajës
Një vajzë nga Kosova është bërë nënë për herë të parë në moshën 14-vjeçare. E mitura me origjinë nga fshati Uglar i Komunës së Gjilanit ka sjellë në jetë fëmijën e ngjizur nga marrëdhënia që kishte me djalin e dajës, i cili është 16-vjeç.
Mediat lokale shkruajnë se foshnja është braktisur në spitalin ku erdhi në jetë më datë 24 nëntor të 2018. Sipas “Insajder”, 14-vjeçarja ka lindur në Spitalin Rajonal të Gjilanit.
/AlpeNews.al
