Mesazhet rrënqethëse për shqiptarin Klodian Murrizi vetëm 22 vjeç, që humbi jetën mesnatën mes të premtes dhe të shtunës në Itali.
Në një moment makina doli nga rruga, u përmbys dhe më pas shpërtheu në flakë duke i marrë jetën shqiptarit me banim në Gossolengo të Italisë.
Murrizi ishte pasagjer në makinën ‘Toyota’ që drejtohej nga një mik i tij, i cili është shtruar në spitalin e Parmës, në gjendje të rëndë.
Mesazhet e miqve të Klodianit që shkruajnë në Facebook se ai ishte një shok i mirë dhe për pak ditë do të merrte zyrtarisht shtetësinë italiane.
MESAZHET:
“Doja të thoja se ke qenë një mik i çmuar dhe falënderoj zotin që u njohëm. Ne u takuam pak më parë, u përshëndetëm sikur të ishte lamtumira e fundit dhe tani ti je në parajsë. Të dua shumë!”.
Ky është vetëm një prej mesazheve të shumta në profilin e Klodianit, teksa të tjerë shkruajnë: “U prefsh në paqe miku jon. Ti nuk e meritoje këtë fund”.
/AlpeNews.al
