Një çift ka shpëtuar për mrekulli mbrëmjen e djeshme, pasi makina ku po udhëtonin humbi kontrollin duke dalë nga rruga, ndërsa përfundoi në lumë.
Mjeti ishte duke udhëtuar nga Poliçani në drejtim të Skraparit. Makina ka rënë në lumë te vendi i quajtur Shkëmbi i Kopaçit rreth orës 19:00 të mbrëmjes së djeshme. Report Tv siguron pamjet e aksidentit.
Burrë e grua që ishin duke udhëtuar në makinë fatmirësisht kanë dalë me shpejtësi dhe janë transportuar në spitalin e Skraparit. Sipas informacioneve nga spitali çifti ka plagë të lehta dhe ndodhet jashtë rrezikut për jetën.
