Lëvizja Socialiste për Integrim ka deklaruar se do të votojë në pro heqjes së manatit të deputetit Saimir Tahiri në seancën e ditës së mërkurë. Sipas deputetit Luan Rama, Shqipëria është përpara një grupi të strukturuar kriminal që gjen tentakulat edhe në qeveri. Më tej ai shton, se LSI distancohet nga deklaratat e Edi Ramas lidhur me organin e drejtësisë. “Grupi parlamentar i LSI-së rithekson qëndrimin ligjor dhe në përputhje me moralin politik dhe aspiratën e qytetarëve, qasje që respekton ndarjen e pushteteve. Ne do të votojmë pro miratimit të kërkesës së prokurorisë për t’i shërbyer hetimit,” tha Luan Rama.
