Një 44 vjeçare greke u arrestua nga policia në Atika për transportimin e sasive të mëdha të drogës për në tregun e brendshëm grek, ndërsa në kërkim është bashkëpunëtori i saj shqiptar, një 36 vjeçar.
Gjatë hetimeve kundër kriminalitetit në zonë, organet e hetimit kanë zbuluar aktivitetin e tyre kriminal në trafikimin e sasive të konsiderueshme të drogës në rajonin perëndimor të Atikës.
Shtëpia e gruas shërbente si bazë magazinimi i lëndës narkotike ndërsa futej kryesisht nëpër kavanoza.
Në total, policia ka sekuestruar 4 kg kanabis, rreth 200 gram heroinë, tre telefona celularë dhe një makinë.
E arrestuara u dërgua në Athinë për t’u njohur me masën e sigurisë.
