Hekuran Hoxha, 48-vjeç, i njohur ndryshe si “Roni i Shijakut” dhe i arrestuar tre ditë më parë, ka përfunduar në spital. “Truri” i bandës së Shijakut vuan nga një problem me zemrën. Ai është dërguar me urgjencë në repartin e kardiologjisë në QSUT në Tiranë ku ndodhet nën kujdesin e mjekëve.
Ndërkohë, Gjykata e Kirmeve të Rënda pritet të caktojë ndaj tij masën e sigurisë ditën e sotme. Aktualisht ka nisur procesi dhe po zhvillohet brenda në dhomën e spitalit ku janë futur prokurorët dhe avokatët e çështjes si dhe avokati mbrojtës. Hekuran Hoxha akuzohet si njeriu që porositi heroinën e Hasit të cilën pas përpunimit do ta transportonte në vendet e BE-së.
