Në replikën që Prokuroria e Krimeve të Rënda ka bërë ndaj Edi Ramës, ka përmendur edhe një detaj interesant, që në fakt, për turpin e saj nuk duhet ta përmendte.
Prokurorët që kërkojnë arrestimin e Saimir Tahirit, përmendin rastin e Kroacisë, ku u arrestua ish-kryeministri Sanader.
“Prokuroria për Krime të Rënda ka pasur kënaqësinë, disa kohë më parë, të dëgjojë përvojën e homologëve të saj në Kroaci, hetimet e të cilëve, të nisura për një orë dore, përfunduan me arrestimin e, më tej, me dënimin e ish-kryeministrit të atij vendi. Gjithashtu, përvoja të ngjashme të suksesshme ka pasur edhe në vende, si Rumania e të tjerë”, thuhet në reagimin e Prokurorisë.
Pikërisht këtë presim edhe ne nga Prokuroria jonë, të bëjë atë që bëri edhe prokuroria kroate.
Ta nisë edhe ajo me ish-kryeministrin Sali Berisha!
Ka prova shumë herë më të forta se prokuroria kroate.
Dhe këtu nuk bëhet fjalë për vjedhje orash.
Ky ish-kryeministri ynë akuzohet nga vjedhja e qindra milionë eurove nga fëmijët e tij, deri tek vrasjet politike.
Provat janë sheshit, Prokuroria thjesht duhet t’i mbledhë dhe t’ia çojë gjykatës.
Pastaj të merret edhe me Ramën, meqë i përmendi rastin kroat!
