Sambuca është një qytet në ishullin e Sicilisë në jug të Italisë, por zhvendosja drejt metropolit ka bërë që kjo zonë e bukur të mbetet thuajse e pabanuar. Për këtë arsye kryetari i bashkisë së zonës ka menduar që të gjitha shtëpitë e pabanuara t’i nxjerrë në shije për vlerën 1 euro.
“Në krahasim me qytetet e tjera që e kanë bërë këtë vetëm për propagandë, oferta jonë është serioze. Nuk do të ketë asnjë ndërmjetës mes pronarëve të vjetër dhe atyre të rinj. Ju dëshironi një shtëpi, e merrni atë menjëherë,”- ka deklaruar Giuseppe Cacioppo, shkruan “Ansa”.
Mirëpo blerja e kësaj shtëpie ka disa kushte për pronarët e rinj. Ata duhet të kryejnë një depozitë sigurie prej 5 mijë eurosh, si dhe duhet të bëjnë edhe rikonstruksionin e banesës, e cila ka një kosto rreth 15 mijë eurosh. Pasi të bëhet rikonstruktimi i shtëpisë, menjëherë pronarët e rinj do t’i rimarrin 5 mijë euro që derdhë si depozitë sigurie.
Pavarsisht kushteve, menjëherë pas publikimit të njoftimit për shitjen e shtëpive, kërkesat kanë qenë të panumërta. Për pak orë kanë ardhur mbi 38 mijë kërkesa, pra shumë më tepër se sa shtëpitë e pabanuara që ndodhen në Sambuca.
