Kryetari i Bashkisë Dibër, Muharem Rama tha se të gjitha rrugët janë të hapura. Reshjet e borës vazhdojnë, tha kryebashkiaku Rama për ATSH ndërsa shtoi se janë marrë të gjitha masat për hapjen e rrugëve dhe lëvizjen e lirë të qytetarëve dhe mjeteve.
“Jane hapur pothuajse pjesa me e madhe e fshatrave dhe po vazhdon puna per hapjen e fshatrave që dhe verës mezi hyhet. Vazhdojnë reshjet e dëborës. Qyteti është hapur plotësisht. Në Njësitë administrative, po ashtu rrugë janë të hapura plotësisht”, deklaroi ai për ATSH.
Reshjet e borës, kanë qenë të dendura dhe kanë sjellë vështirësi në qarkullimin e mjeteve edhe në Dibër. Në bashkinë Dibër janë marrë të gjitha masat që rrugët në lagjet e qytetit të jenë të hapura dhe të mirëmbajtura për lëvizjen e lirë. Më qarkun e Dibrës trashësia e borës varion nga 40 në qytetin e Peshkopisë dhe 1.20 cm në zonat rurale dhe a sjellë probleme me qarkullimin e mjeteve.
“Rrugët e brendshme të lagjeve të qytetit janë të hapura dhe të mirëmbajtura prej ditësh”, tha Kryetari i Bashkisë Muharem Rama, ndërsa shtoi se punonjësit e bashkisë janë në gatishmëri për të përballuar situatën dhe mbajtur rrugët të hapura.
