Qendërmbrojtësi Shkodran Mustafi mund të largohet nga Arsenal gjatë afatit kalimtar të janarit
Skuadra italiane, Juventus ka pyetur Arsenalin rreth transferimit të mundshëm të qendërmbrojtësit të Kombëtares së Gjermanisë, Shkodran Mustafi.
Sipas Rai Sport, Mustafi është prioriteti kryesor i Juventusit për afatin e janarit.
Juventus po e kërkon një qendërmbrojtës të ri, pasi gjermani tjetër Benedikt Howedes nuk ka bindur dhe nuk është në planet e trajnerit Massimiliano Allegri.
Gjatë verës së kaluar Mustafin e dëshironte edhe skuadra tjetër italiane, Inter.


