Deputetja e Partisë Demokratike duke folur nga studioja e emisionit “Dritare me Rudinën” në News 24 deklaroi se shoqëria shqiptare ka pësuar mbyllje, pasi sipas saj, problemi kyç që nxit krimin në vendin tonë është fakti se është copëzuar shpirti i përbashkët.
Duke folur për ngjarjen e rëndë, vrasjen dhe groposjen e shqiptares nga babai në Greqi, Duma tha se shqetësim tjetër që rrit akoma më shumë sjelljet barabare, janë mospranimi i patologjive të shoqërisë.
“Nuk durojnë më dhimbje, nuk duron ankesa. Është copëzuar shpirti i përbashkët, njësoj siç kanë copëzuar ambientet komunitare. Është e pamundur të bëhesh mirë vetë, kur të tjerët s’janë mirë. Je i kërcënuar. Shikoni ata që mbledhin plehra, shikoni ato që ecin në rrugë dhe flasim me veten. Kjo është ajo që duket, ajo që nuk duket është më e madhe. Problemi më i madh është se ne nuk pranojmë patologjitë. Çfarë do ta shpëtonte atë vajzën.
Ajo as të dashurit të saj nuk ia ka thënë. Sepse nuk e ka kuptuar si patologji, i ka ardhur turp. Babai monstër, unë e kam fjalën që e duron.Nga ana tjetër, ajo nuk ka asnjë dëshmi që atë ta kishte mbrojtur ajo përpiqet të largohet dhe të hesht. Heshtja në të gjitha nivelet, ajo nuk është një frikë, por për shkak të papranueshmërisë së patologjisë. Nuk ka hapje artificiale e mbyllje artificiale, unë mendoj se këtu shoqëria është mbyllur dhe është kthyer mbrapa. Shikoni se sa mundësi ekonomike ka gruaja, t’i lëmë tjerat”, tha ajo.
