21-vjeçari grek i akuzuar për vrasjen e studentes greke, Eleni Topaloudi, me 28 nëntor 2018 në Rothos, është gjetur i plagosur në qelinë e tij në burgun e Grevenase.
Sipas të afërmve të grekut, ai ka goditur murin me kokë. Sipas tyre, 21 vjeçari nuk ka qenë mirë nga ana mendore kohët e fundit.
Ata kanë bërë të ditur se sa më shumë kalon koha, i riu kupton më tepër situatën në të cilën ndodhet.
Krahas të riut grek, nën akuzë për vrasjen është dhe një 19 vjeçar shqiptar.
Raporti mjekoligjor sjell fakte të reja
Një raport nga mjeku ligjor ka sjellë fakte të reja nga krimi. Sipas raportit, të rinjtë kanë bashkëpunuar në vrasjen e vajzës, pavarësisht se deri më tani shqiptari dhe greku kanë fajësuar njëri-tjetrin.
Kjo pasi Eleni i kishte duart e lidhura në momentin që është goditur dhe njëri e ka goditur dhe tjetri i ka mbajtur duart.
Ky fakt ndryshon skenën e krimit.
Vrasja shkaktoi tronditje të gjerë në opinionin grek dhe më gjerë. Vajza u godit fillimisht me një hekur në kokë pasi refuzoi të kryente marrëdhënie seksuale me djemtë, ndërsa më pas u hodh në det edhe pse ishte ende e gjallë.
Ngjarja ndodhi në 28 nëntor, kur policia në ishullin Rodos zbuloi trupin e 21-vjeçares në shkëmbinjtë e bregdetit, thuajse të zhveshur.
