Shqiptari, i cili vrau vajzën në Korfuz të Greqisë, ka shfaqur pendesë.
“Nuk doja ta vrisja”, është shprehur 52-vjeçari Aleko Petro, në një lidhje telefonike nga paraburgimi për një emision televiziv në Greqi.
“Vajza kishte një vit që kishte ikur nga shtëpia dhe nuk e dija se ku ndodhej. Nuk është e vërtetë që e kam goditur më parë. Asnjëherë nuk kam ngritur dorë ndaj saj. Kërkoj falje nuk doja ta vrisja”, është shprehur ai.
Aleko ka treguar dhe momentet e fundit me të bijën: “Hëngrëm së bashku dhe folëm për të afërmit pasi kishte një vit që nuk komunikonte me asnjë prej tyre. Nuk e di përse nuk fliste. Isha i shqetësuar për të .. më mirë të kisha vdekur sesa … Nuk e di si ndodhi në të vërtetë..
Diku pas orës 20:00 dikush e mori në telefon dhe më tha se duhej të ikte. Aty filloi të bërtiste dhe ishte shumë gjaknxehtë. Do të bëj ctë dua më tha! U përpoqa ta qetësoj”.
I pyetur përse nuk pranoi që në fillim krimin ai është shprehur se nuk ishte mire dhe nuk ishte koshient se çfarë kishte bërë.
Sipas mjekëve ligjorë, 29 vjeçarja ka luftuar për jetën e saj. Protothema.gr shkruan se askush nuk ka komunikuar për të tërhequr trupin e pajetë, ndërsa në atë fshat nuk kanë asnjë të afërm tjetër.
Anxhelina punonte në një kafeteri në ishull ku punonte dhe partneri i saj, afgan 30 vjeçar.
Të mërkurën e 2 janarit vajza nuk ishte paraqitur në punë dhe nga ai moment kanë nisur shqetësimet.
Ai ka mohuar se kishte kryer krimin pasi nuk pranonte lidhjen që vajza kishte me afganin.
“Unë e mbështeta. I thashë që vajzë e madhe je, punon i ke dalë për zot vete jetës, nëse kjo është zgjidhja jote unë të mbështes”.
Raportohet se babai ka goditur vajzën me shufër hekuri në kokë dhe më pas e ka varrosur në oborrin e shtëpisë.
