Një furgon ka marrë flakë gjatë ecjes në Vlorë. Sipas informacioneve një furgon me targa VL3898C është përfshirë nga flakët në momentin që ishte duke ecur.
Ngjarja ka ndodhur në lagjen 10 korriku, ose siç njihet ndryshe “Bishti i kalldrëmit”.
Shkaqet janë ende të paqarta, ndërsa në vendngjarje kanë shkuar forca të shumta policie, të cilat po punojnë për zbardhjen e plotë të ngjarjes.
Nuk ka raportime për persona të lënduar, por mesohet se makina është djegur në disa pjesë të saj./ panorama
