Dy 20 vjeçar me origjinë shqiptare, u arrestuan dje në mëngjes në Firence nën akuzën e vjedhjes dhe marrjes së mallrave të vjedhura.
Një natë para arrestimit, dy kriminelët e rinj kishin vjedhur një Mercedes në Rufina, në provincën e kryeqytetit toskan, dhe kishte publikuar fotot e tyre në Instagram.
Por, ata kishin harruar një gjë shumë të rëndësishme; makina kishte sistem GPS.
Këtë mëngjes rreth orës 9.30 minuta, u raportua mjeti i vjedhur në periferinë jugore të Firences.
Në këtë mënyrë, policia u vu në lëvizje duke u pozicionuar në zonë për të parë lëvizjet e dy hajdutëve.
Sapo makina u nis nëpërmjet Piagentina, i interceptua GPS-ja.
Ndjekja e automjetit të vjedhur vazhdoi për disa minuta derisa dy shqiptarët dolën jashtë rrugës nëpërmjet del Madonnone, duke mbetur të bllokuar mes makinave që vinin në drejtim të kundërt.
Përpjekja e dëshpëruar për t’u arratisur në këmbë u ndërpre nga policia.
Pasi u arrestuan, këtu është befasia: në celularët e tyre u gjetën fotografitë që ata kishin pozuar tek makina e vjedhur, duke i publikuar ato në Instagram, shkruan ‘Il Giornale’.
Tani imazhet do të përdoren si dëshmi të mëtejshme në procesin kundër tyre. Kush e di, mase ata do të duan të postojnë ndonjë fotografi nga burgu!
