Shqipëria është një vend me mjaft bukuri mbresëlënëse të cilat janë atraksion për shumë turistë vendas dhe të huaj. Kryeministri Edi Rama ka shpërndarë sot një video nga bukuritë e Shqipërisë duke uruar njëkohësisht Ditën e Rinisë:
“Mirëmëngjes dhe me këtë pjesëz të bukurive mbresëlënëse të Shqipërisë, ju uroj Gëzuar ditën e Rinisë”, shkruan Kryeministri Rama.
MIRËMËNGJES 😃dhe me këtë pjesëz të bukurive mbresëlënëse të Shqipërisë, ju uroj GËZUAR DITËN E RINISË 👍
Posted by Edi Rama on Donnerstag, 7. Dezember 2017
8 dhjetori është Dita kombëtare e Rinisë, një ditë që shënon dhe 24-vjetorin e vendosjes së pluralizmit në Shqipëri.
Prej vitit 2009, me vendim të marrë nga Kuvendi i Shqipërisë, kjo datë përkujtohet si festë kombëtare në nder të të gjithë studentëve të dhjetorit 1990 dhe gjithë rinisë shqiptare.
Më 8 dhjetor 1990, një grup studentësh e pedagogësh të universiteteve të Tiranës, banorë të qytetit “Studenti”, u bënë iniciatorë të protestave paqësore që sollën pluralizmin, rënien e komunizmit dhe lindjen e demokracisë.
“E duam Shqipërinë si gjithë Evropa”, ishte shprehja kyçe e 8 dhjetorit, kur të rinjtë kërkuan ngritjen e sistemit të vlerave perëndimore dhe të shtetit të së drejtës, integrimin në Evropë dhe garantimin e pluralizmit politik. / ata
